Mürtəza Rüstəmov öldürüldü - Meyiti hissələrə bölünüb... - Yenilənib

Tarix: 8 Yanvar 2025 22:20

22:17

Gürcüstanın Laqodexi rayonunun azərbaycanlılar yaşayan Qabal kəndində tapılan meyitin 39 yaşlı Mürtəza Rüstəmova məxsus olması müəyyənləşib.

Sonxeber.net xəbər verir ki, bu barədə yerli "TV Pirveli" kanalı məlumat yayıb.

Məlumata əsasən, soydaşımız 4 ay bundan öncə itkin düşüb və axarışları heç bir nəticə verməyib.

M.Rüstəmovun qohumlarının bildirdiyinə görə, meyit hissələrə bölünüb.

Meyitin aşkarlandığı yerə ekspert-kriminalistlər baxış keçiriblər. İstintaqın hansı mərhələdə olması və şübhəli şəxsin saxlanılıb-saxlanılmaması barədə hələ məlumat yoxdur.

Gürcüstanın Daxili İşlər Nazirliyi faktla bağlı hər hansı məlumat yaymayıb.

Qeyd edək ki, Qabal kəndində qəbirstanlıq yaxınlığında meyitin tapılması barədə məlumat ötən gün yayılıb. Həmin şəxsin qəbirqazan olduğu bildirilir. Digər məlumatlara əsasən, o, kənddə çobanlıq edib. Ehtimal edilir ki, onun qətlinə bəzi kənd sakinləri ilə mübahisəsi səbəb olub. (Teleqraf.com)

------------
2025.01.07

Gürcüstanda azərbaycanlıların kompakt yaşadığı Laqodexi bələdiyyəsinin Qabal kəndində orta yaşlı kişinin cəsədi tapılıb.

Sonxeber.net xəbər verir ki, meyit kənd qəbiristanlığının yaxınlığında aşkarlanıb. Sakinlərin sözlərinə görə, qəbiristanlıqda işləyən həmin şəxs qətlə yetirilib.

Məlumata görə, bir neçə ay əvvəl onun yerli sakinlərlə mübahisəsi olub və bundan sonra o, yoxa çıxıb. Ailə üzvləri həmin vaxtdan onu itkin kimi axtarıblar.

Bildirilib ki, bir neçə gün öncə onun telefonu və şəxsiyyət vəsiqəsi tapılıb, daha sonra isə cəsədi aşkarlanıb.

Gürcüstan Daxili İşlər Nazirliyi faktla bağlı istintaqa başlayıb. /APA